Author: Team Avaantar

माधवी जोशी माहुलकर मिसळीचे वरण किंवा मिश्र डाळींचे वरण हे महाराष्ट्रातील बहुतेक सगळ्याच भागात घरोघरी बनत असेल. तूर, मूग, मसूर, उडीद, चणाडाळ आणि असेल तर चवळीची डाळ असे मिश्रण असलेले खमंग तसेच आले-लसूण पेस्ट, खोबरे, शेंगदाणे, खसखस, तमालपत्र, दालचिनी वापरून केलेले मसालेदार वरण ज्वारीच्या भाकरीसोबत भुरके मारून खाताना किती खातोय ते समजतच नाही. आज मी खूप दिवसांनी हे वरण केले; कारण नागपूरमध्ये सध्या थंडीने परत एकदा जोर पकडला आहे, त्यामुळे अशा वातावरणात हे तडकेदार वरण आहारात असलं तर  सहजच शरीरात उर्जा निर्माण होते. थंडीमध्ये असे गरम पदार्थ चालून जातात. हे वरण थोडे पातळसरच करावे, त्यामुळे तुम्हाला ते बाऊलमध्ये घेऊन सूप…

डॉ. सारिका जोगळेकर होमिओपॅथिक तज्ज्ञ रजोनिवृत्ती हा स्त्रीच्या आयुष्यातील एक नैसर्गिक आणि महत्त्वाचा टप्पा असतो. साधारणपणे 45 ते 55 वर्षांच्या दरम्यान महिलांमध्ये menopause अर्थात रजोनिवृत्तीचा काळ येतो. सोप्या भाषेत सांगायचं झालं तर, त्यावेळी स्त्रीची मासिक पाळी कायमची थांबते. शरीरातील हार्मोनल बदलांमुळे होणारी ही एक नैसर्गिक जैविक प्रक्रिया, हा आजार नाही. सलग बारा महिने मासिक पाळी आली नाही म्हणजे menopause असे समजले जाते. Menopause च्या काळात इस्ट्रोजेन आणि प्रोजेस्टेरॉन या दोन हार्मोन्सचे प्रमाण कमी होते. हे हार्मोन्स कमी झाल्यामुळे शरीरात आणि मनात अनेक बदल जाणवतात. प्रत्येक महिलेला वेगळी वेगळी लक्षणे जाणवू शकतात, काही सामान्य लक्षणे अशी आहेत – रजोनिवृत्ती (menopause) हा आजार…

डॉ. किशोर महाबळ सध्याचे युग हे माहिती तंत्रज्ञानाचे युग मानले जाते. संगणकाच्या माध्यमातून माहितीच्या महाजालात म्हणजे इंटरनेटमध्ये प्रवेश करता येतो आणि अक्षरशः कोट्यवधी विषयांची माहिती, संकल्पना, सिद्धांत, विचार, ज्ञान, कल्पना यांचे ज्ञान मिळविणे आता कोणालाही सहज शक्य झाले आहे. संगणक आणि इंटरनेटच्या सुविधेची उपयोग करणारी व्यक्ती अशाच सुविधेचा उपयोग करणाऱ्या जगातील कोणत्याही व्यक्तीशी, संस्थेशी, लोकांच्या गटाशी काही क्षणांत सहजगत्या संपर्क साधू शकते. तसेच, इंटरनेटच्या माध्यमातून व्यक्तीव्यक्तींमध्ये, गटागटांमध्ये, संस्थांमध्ये आणि राष्ट्राराष्ट्रांमध्ये क्षणार्धात हव्या तेवढ्या माहितीचे आदानप्रदान करणे शक्य होऊ लागले आहे. आता कोणत्याही विषयाचे मर्यादित स्वरूपात का होईना, पण ज्ञान मिळविणे हे कोणालाही सहजगत्या शक्य होऊ लागले आहे. या इंटरनेट क्रांतीमुळे…

संगीता भिडे ‘दरवाजा’ हा शब्द खरंतर तुम्हा-आम्हा सर्वांच्या नित्य परिचयाचा आणि जिव्हाळ्याचा! सहज माझ्या आयुष्याकडे मागे वळून पाहिलं आणि विचार केला “कधी ओळख झाली माझी ‘दरवाजा’ या शब्दाशी? आणि दिवस आठवला तो माझ्या जन्माचा. मातेच्या उदरात अगदी सुरक्षित असताना अचानक एका दिवस मातेच्या उदरकक्षांतून ‘दरवाजा’ ओलांडून आले की, अस्मादिक या भूतलावर- काळोखातून उजेडाकडे. एक मोठा ‘ट्यॅहा’ केला आणि उजेडाकडे बघताना डोळे दिपले, पटकन मिटले. क्षणभर भांबावले. उबदार हातांचा स्पर्श जाणवला आणि खात्री झाली, ‘हा माझाच दरवाजा’. सुरक्षिततेची हमी देणारा हा ‘दरवाजा’ आजतागायत माझी सोबत करतोय, हिंमत देतोय, जगण्याची उमेद देतोय. असेन 7/8 महिन्यांची, घराच्या प्रमुख दरवाज्याला लागली एक आडवी फळी.…

स्वयंपाक बनवताना महिला आहे ती सामग्री वापरून पदार्थात काहीतरी वेगळेपण आणण्याचा प्रयत्न करतात. यासाठी काही क्लृप्ती लढविल्या जातात. ‘फूड कॉर्नर’मध्ये फ्रोजन मटार, टोमॅटोचे सार, वांग्याचे काप बनविण्याच्या टिप्स पाहूयात. हेही वाचा – Kitchen Tips : मटार पुलाव, शाही पनीर, चाकवताची भाजी बनवताना वापरा या टिप्स हेही वाचा – Kitchen Tips : लहान वांग्याचे भरीत अन् बटाट्याची भाजी करताना… (‘सुगरणीचा सल्ला’ पुस्तकातून साभार)

अध्याय आठवा जें आतांचि सांगितलें होतें । अगा अधियज्ञ म्हणितला जयातें । जे आदींचि तया मातें । जाणोनि अंतीं ॥59॥ ते देह झोळ ऐसें मानुनी । ठेले आपणपें आपणचि होउनी । जैसा मठ गगना भरुनी । गगनींचि असे ॥60॥ ये प्रतीतीचिया माजघरीं । तयां निश्चयाची वोवरी । आली म्हणोनि बाहेरी । नव्हेचि से ॥61॥ ऐसें सबाह्य ऐक्य संचलें । मीचि होऊनि असतां रचिलें । बाहेरी भूतांचीं पांचही खवलें । नेणतांचि पडिलीं ॥62॥ उभयां उभेपण नाहीं जयाचें । मा पडिलिया गहन कवण तयाचें । म्हणोनि प्रतीतीचिये पोटींचें । पाणी न हाले ॥63॥ ते ऐक्याची आहे वोतिली । कीं नित्यतेचिया हृदयीं घातली…

दर्शन कुलकर्णी संक्रात करिदिन वेद कन्सल्टन्सी / 9987433660 आजचे राशीभविष्य मेष – कामातील अडथळ्यांवर मात करता येईल. समतोल आणि समन्वय राखल्याने कामात प्रगती होईल. आर्थिकदृष्ट्या फायदेशीर कामे पूर्ण करू शकाल. प्रवास करावा लागेल, तो फायदेशीर ठरेल. आईकडून तुम्हाला विशेष लाभ मिळतील. कामाच्या ठिकाणी समाधानकारक यश मिळेल. चिंताजनक वातावरणातून काहीसा दिलासा मिळेल. वृषभ – कोणत्याही व्यवहारात अस्पष्टता चांगली नाही. त्यामुळे तुमचे जे विचार असतील ते प्रामाणिकपणे मांडा. विरोधक आज तुम्हाला नुकसान पोहोचवण्याचा प्रयत्न करतील. त्यातून सावरण्यासाठी वेळ आणि पैसा लागेल. दिवसाचा पूर्वार्ध अनुकूल राहील. व्यवसायात प्रगती होत राहील. व्यवहारातील अडथळे दूर करण्यासाठी प्रयत्न करण्यावर भर द्या. मिथुन – पूर्वनियोजित कार्यक्रम सुरळीतपणे…

दीपक तांबोळी भाग – 1 एका पेशंटच्या दाढेची ट्रिटमेंट झाल्यावर सुबोधने दुसऱ्या पेशंटला खुर्चीत बसायला सांगितलं. त्याच्या दाढांचं तो निरीक्षण करीत असतानाच रिसेप्शनिस्ट काचेचा दरवाजा ढकलून आत आली. “सर, ते मनोहर पाटील नावाचे पेशंट आहेत ना, ते म्हणताहेत की, आता त्यांच्याकडे फक्त एक हजार आहेत. बाकीचे दोन हजार पुढच्या आठवड्यात आणून देणार म्हणताहेत.” सुबोधला याच गोष्टीची चिड होती. कपड्यांवरून तर पेशंट चांगला सधन दिसत होता. शिवाय, तो नेहमी कारने येतो, हेही त्यानं पाहिलं होतं. बरं, त्यांना अगोदरच तीन हजार खर्च येणार असल्याची कल्पना दिली होती. तरी सुद्धा त्यांनी पैसे आणू नयेत, याचा त्याला संताप आला. प्रॉब्लेम हा होता की, तिथं…

माधवी जोशी माहुलकर मातरसुतिर किंवा कोराईसुतिर कोचोरी (कचोरी) आणि आलू की सब्जी, ही बंगाली लोकांची हिवाळ्यातील खास आवडती डिश आहे. या कचोरी किंवा पुरीत फक्त ताज्या हिरव्या मटारचे सारण आवश्यक मसाल्यांमध्ये तयार केलेले असते. ही मटार कोचोरी बंगाली लोक दम आलू किंवा आलू / मटारच्या रस्सा भाजीसोबत खाणे पसंत करतात. कोराईसुतिर आणि मातरसुतिर अशी मटारची दोन बंगाली नावे कळल्यामुळे माझ्या ज्ञानात भर पडली. माझी एक बंगाली मैत्रीण आहे तिने ही मातरसुतिर कोचोरी आणि आलु मटार की, सब्जी तिच्या किटी पार्टीत स्पेशल डिश म्हणून तयार केली होती. आपल्या मराठी बायकांना वाटले मातरसुतिर कोचोरी म्हणजे खास काहीतरी बंगाली पदार्थ असेल आणि प्रत्यक्षात…

डॉ. प्रज्ञावंत देवळेकर जेव्हा जेव्हा सोशल मीडियावर ‘दुनियादारी’तलं एक पॉप्युलर मिम टेम्पलेट दिसतं ‘दिग्या अमुक करतो, दिग्या तमुक करतो…’ पण दिग्या नाही रे, मला दिगास आठवतो… दिगंबर पाटील नाही, ‘एडगर दिगास’ नावाचा फ्रेंच अवलिया! दिगासला बॅले नृत्यांगनांच्या चित्रांसाठी ओळखले जातं, पण त्यानं खरंतर बॅलरिनांच्या मंचीय सादरीकरणापेक्षा त्यांच्या तालमी आणि पडद्यामागील आयुष्य रंगवायला जास्त आवडायचं… तो थिएटरच्या मागच्या खोल्यांमध्ये जाऊन बॅलरिनांना सराव करताना, थकलेल्या अवस्थेत किंवा विश्रांती घेताना पाहायचा आणि त्या क्षणांना कॅनव्हासवर उतरवायचा. त्यानं एकदा एक मजेशीर सत्य सांगितलं होतं ते म्हणजे, ”लोक त्याच्या बॅलरिना चित्रांना रोमँटिक समजतात, पण तो फक्त त्यांच्या वेदना आणि मेहनत दाखवत होता!” दिगासला इम्प्रेशनिस्ट चित्रकार…